標題:
關於倉鼠bb一問,,緊急
發問:
此文章來自奇摩知識+如有不便請留言告知
我隻倉鼠今日生左bb.. 咁佢應該食咩同做咩 同埋我隻男倉鼠應該要分籠. 但佢唔入籠..仲逃走左.. 咁應該點做.. 仲要幾耐先可以同bb一齊住返.. 鼠媽會對bb做咩嫁 更新: 仲有咩生果同蔬菜唔食得同食得? 鼠媽可以食咩高營養食物.. 請詳細thx~ 更新 2: 同埋鼠媽佢咬籠想出黎玩.. 咁放唔放佢出黎好ar..
最佳解答:
A.正常情況下,鼠媽會俾奶俾鼠b飲,會為鼠b清理排泄物,教鼠b日常生活既事 鼠鼠生左bb之後要留意以下幾點: 1)將鼠爸及其他鼠分開 2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約21日戒奶) 3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既 4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事. 5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既. 6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣 唔理鼠bb or 鼠bb被食有幾個原因: 1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb 2)鼠媽媽覺得bb養唔大-鼠bb身體弱 or 自己冇足夠既奶分俾佢地 3)鼠媽媽覺得bb有第d動物氣味 4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張 5)鼠bb死左 6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb B.生b係要將鼠爸分籠,走左鼠可參考以下我回答既知識去搵返鼠鼠.搵返都有野需要留意既: http://hk.knowledge.yahoo.com/question/?qid=7008012600682 C.去到鼠B 21日大可以戒奶既時候,就要將鼠媽同鼠B分開,而鼠爸都需要分開,最好係一籠一鼠,因為鼠鼠係獨居動物,唔適合一齊住既 因為鼠媽對BB既照顧只去到戒奶期,到鼠bb可以戒奶,鼠媽媽就唔再對鼠鼠有感情了,只會普通一隻成鼠咁看待, 而鼠爸爸,更加係完全地對鼠bb冇感情的 所以一大一小既鼠住埋一齊,係好易會打死鼠bb or發生亂倫(兄弟姊妹都會亂倫)既情況,亂倫既鼠好易會有畸胎既出現 其實鼠鼠最好分籠,繁殖鼠鼠會有好多問題,希望你之後可以考慮唔好再繁殖鼠鼠啦,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下: 1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既 2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢 3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢 4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦 5)就算唔打傷打死,都會感到壓力,壓力會誘發甩毛肚瀉等疾病 6)一籠唔止一鼠,仲會較惡,特別易咬人同比較難同主人熟 7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶 D.唔可以俾鼠媽食蔬果,水果好快就會變壞,如果成日更換,會令鼠媽媽緊張,而且水果只可以食極少,食得多會肚瀉,所以我就唔建議亂俾水果俾鼠鼠食 唔建議俾鼠鼠食蔬果詳細原因可參考: http://hk.knowledge.yahoo.com/question?qid=7008022103115 鼠媽咬籠,當然係唔可以放佢出唻,鼠媽生B後係唔可以打擾佢既,咁係會增加唔理鼠b or食鼠b既機會,而平日鼠鼠咬籠都唔一定係想出唻,牙痕,感到壓力都會咬籠
其他解答:
第一,你不要因好奇心而經常仲手入籠摸bb,因為媽媽會認為有危險,很大可能會吃掉自己的bb... 第二,爸爸一定要分開,原因同上,媽媽會害怕bb有危險而自己吃掉... 不可以一齊住的...倉鼠是獨居比較適合的...從前我也會把牠們放在一起,之後有的受傷有的死掉...原因是倉鼠也要有自己的地盤...你最好有心理準備多買兩個籠,等bb開眼同出毛後,我想一個月時間吧!再仔細分開男女,再試試讓牠們一起住,但要觀察牠們的相處情況...但最好還是分開一隻一籠吧! 倉鼠媽媽生育過後是會減壽的,想倉鼠們長命一點,最好還是不要生育吧!放心...媽媽會一直照顧bb的,直到bb長大後,這時你便該分籠了!照平常一樣就可以了,但媽媽可能會要多一點水,要時常留意夠不夠水... 切記...不要常常伸手入籠,這時媽媽是很敏感的...要相信牠一定能照顧好自己的孩子...因這是牠們的天性!也不要嚇倒牠們就可以了!
留言列表
