標題:
巴黎行程(三天)
此文章來自奇摩知識+如有不便請留言告知
發問:
我自己己經plan好了一個(三天)想請你看一看有沒有要改善的地方~因為我第一次同男朋友去所以想盡量整好一點 ~~~唔該晒第一日: 下午大約二點開始eiffel tower (只拍照 不上)---> hotel des invalides --->pantheoh ---->Jardin du luxembourg --->去shopping(la fayette/春日) ---> 食飯第二日: versailles ----> river seine + eiffel tower(夜晚)第三日: arc de... 顯示更多 我自己己經plan好了一個(三天) 想請你看一看 有沒有要改善的地方~ 因為我第一次同男朋友去 所以想盡量整好一點 ~~~唔該晒 第一日: 下午大約二點開始 eiffel tower (只拍照 不上)---> hotel des invalides --->pantheoh ---->Jardin du luxembourg --->去shopping(la fayette/春日) ---> 食飯 第二日: versailles ----> river seine + eiffel tower(夜晚) 第三日: arc de triomphe -->champs- Elysees--->place de la concorde--->jardin des tuileries ---> cite(cathedrale, chapelle, conciergerie) --->louvre(夜晚) 有問題嗎??? 會不順路嗎??? 會唔會好趕? 更新: 我想問呢 如果第一晚唔去shopping 咁有咩其他做??? 天黑都唔知做咩好~ 咁幾時去去蒙馬特廣場and have a coffee好??? thanks ar 好多野問 更新 2: 我地去到的第一天 係星期一 咁louvre星期三先開夜ma 咁所以唸住星期三夜晚先去ma 更新 3: 星期一: Cite (Notre Dame -- Sainte Chapelle -- Conciergie) -- 黃昏時份到達Scare Coeur and Montmartre--- late dinner -- Champs-Elysees at night 星期二: Versailles -- Les Invalids - Pantheon -- Jardin du Luxembourg ---tower eiffel 更新 4: 星期三: arc de triomphe -- champs- Elysees--- place de la concorde--- jardin des tuileries --- louvre(夜晚) 你覺得咁樣可以嗎????
最佳解答:
3 天時間在巴黎, 話多一定唔多, 話少真係好少... 可以話, 夠觀光唔夠購物, 夠購物時又睇唔到野... 需要好好好好安排時間, 而且你一定要好 "行得" 先 ok... 首先, 我想提出以下問題, 你可以諗諗 點解鐵塔要分 2 次去 ??? 法國的百貨公司晚上是不營業的, 因此你晚上想到那裡 shopping ?? 你知道 Pantheon 是法國的祠堂嗎 ?? 除了建築美麗外, 只有棺材和浸浸陰涼的寒風... 有否興趣 ?? 好了, 你說的蒙馬特區, 要視乎你的喜好而定, 如果你想睇埋巴黎紅燈區既, 就請晚上過去. 但如果你想睇人畫畫, 行下聖心堂, 就應該早上或中午時份過去了. 至於塞納河, 日間的景色比晚上更美 !!! 晚上塞納河也美, 不可否認, 但只限遊船河. 假若你不是夏天去, 就唔好晚上遊船河了, 會凍到飛起的 !!! Cafe 巴黎周街都有, 根本不用安排時間飲咖啡, 行得耐想抖下就是但搵間坐低一陣吧... 行程安排如下 (數字為日數): Cite (Notre Dame -- Sainte Chapelle -- Conciergie) -- 黃昏時份到達 La Tour Eiffel -- late dinner -- Champs-Elysees at night Versailles -- Les Invalids - Pantheon -- Jardin du Luxembourg -- dinner at quartier Latin -- Louvre at night Louvre (如果你希望入去既話) -- Scare Coeur and Montmartre -- Shopping at Au Printemps / Galeries Lafayette -- Place de la Concorde -- Champs Elysees and Arc de Triomphe. 如是者, 第 3 天行程非常趕急, 百貨公司內不宜停留超過 3 小時, 否則行唔晒... 2007-12-20 01:22:39 補充： 睇返你既修定行程星期一, 這樣安排可以, 你可以於蒙馬特食餐晚飯, 約 8 點左右開始直往香謝麗榭大道, 部份店舖還開門的, 可作少量 shopping 2007-12-20 01:22:50 補充： 星期二, 通常於凡爾賽回來後最早都會是下午 2 - 3 點, 但廢兵院和先賢祠如無意外都是約 5 點便關門, 因此你只有時間去一處. 加上我覺得盧森堡花園其實可觀性不高. 因此我會選擇只去廢兵院. 但如果你不是入廢兵院睇展覽, 咁當然就去先賢祠同盧森堡花園了. 之後直往鐵塔, 鐵塔冬天開放至 11 點 - 12 點的. 這日沒什麼問題星期三, 前半部沒什麼問題, 過了協和廣場後, 建議你不要去杜勒麗花園, 改為轉右過河, 這樣可以步行遊覽塞納河, 首先可先回頭一遊亞歷山大三世橋和廢兵院外觀, 之後回身直行, 直至由 pont des arts 回羅浮宮 2007-12-20 01:26:45 補充： 但注意, 你也沒有安排時間去百貨公司的... 這個行程你只可以在 champs-elysees 購物... 如果你想買名牌既, 就沒有問題了.另外, 澄清一下我沒有說過 Pantheon 是墳場 !!! 在夏天時先賢祠內的溫度比外面低最少10 度, 這是因為建築物內部是由大理石所造. 陰風陣陣是因為先賢祠有一天窗, 空氣流動所致. 而先賢祠內所放的全是法國偉人, 相信我以法國人的祠堂來形容也不為過吧... 2007-12-20 01:28:53 補充： 另外, 如果選擇巴黎的咖啡店, 最出名的不在蒙馬特... 但去最出名的店反而少了一份巴黎情懷, 而巴黎人的生活就是那裡有 cafe, 就在哪裡坐下... 當然你可以了蒙馬特坐 cafe... 但太多人了, 我寧願在拉丁區找一家小店慢慢坐了 2007-12-21 11:07:40 補充： 補充, Champs-Elysees 的名店如 LV 約於晚上 8 點關門, 星期六日會早一點, 但對你沒有什麼影響. 另外部份店舖會營業到 10 點左右. 最夜關門的是化妝品店 Sephora, 12 點會燈光火著的. 另外 cafe 或餐廳最遲會在 11 點 take last order. 巴黎不同香港... 9 點鐘已經好夜架啦... 開到 11 點算係奇蹟了.. 其他區份已經拉晒閘了.
其他解答:
我去過幾次Paris，三日講真會幾趕，要利用時間： 1.eiffel tower (只拍照 不上) 可在第二日，傍晚去到eiffel影完相直接上去夜景，落來再影多次Eiffel at night, 好正! 2. river seine要在夜晚，夜晚靚好多 3. louvre好大好多野睇，走馬看花都要一個下午，反而versailles都唔洗禁耐，如果唔太鍾意art，建議唔好入去，在外面影相算啦 4. 拍拖去Paris一定要去蒙馬特廣場and have a coffee，好近聖心大教堂 5. 太趕了可能要減shoppping時間，其實唔洗特登去shhopping，一路paris景點附近都有好多野賣，買杉不如去London，買LV 或大名牌子的話champs- Elysees-就有，去arc de triomphe順便行埋 6. Paris大部份景點(as you mentioned above) 都好集中，車程一般不會超過半小時 (搭metro的話)，去versailles最遠，來回預個半鍾多d 2007-12-19 18:38:52 補充： 去蒙馬特飲咖啡不同求其搵間cafe座低：下午去最好，有好多街頭表演者同畫廊畫家，好好感受法國文化氣息。現在巴黎16:50就日落，日落時的聖心大教堂是最美的，因為同係山上面，仲可以睇埋巴黎的日落美景塞納河日與夜就見仁見智啦，夜遊塞納河係一絕就好多人知，凍唔凍就自己衡量，不過日間都-5度啦，差唔到幾多。而”夜晚”我是指天色不是時間，而家16:50就日落，百貨公司不會五點關門．Pantheon 陰風陣陣不見得（不是墳場來的），宏偉建築就不可不看。何況”棺材”裡面的都是大人物：伏爾泰、盧梭、雨果、莫內、大仲馬等等，誰能入Pantheon 也會隆而重之，並非”只是祠堂” 2007-12-19 18:45:00 補充： la fayette 冬季Opening Hours : Monday through Saturday 09:30am to 07:30pm夏季 opening every Thursday until 9pmClosed on Sundays 要睇時間啦︿︿希望幫到你啦 2007-12-20 04:01:13 補充： henry_hc0202 提到星期二的建議非常好.注意太夜到Champs-Elysees可能名店會關了門，請注意時間
留言列表
